اپنے ماں باپ کا تو دِل نہ دُکھا
اپنی جنت کو خُدا کے لئے دوزخ نہ بنا
میرے مالک میرے آقا میرے مولا نے کہا
اپنے ماں باپ کا تو دِل نہ دُکھا
اپنے ماں باپ کا تو دِل نہ دُکھا
باپ کے پیار سے اچھی کوئی دولت کیا ہے
ماں کا آنچل جو سلامت ہے تو جنت کیاہے
یہ ہیں راضی تو نبیﷺراضی ہے راضی ہے خُدا
اپنے ماں باپ کا تو دِل نہ دُکھا
اپنے ماں باپ کا تو دِل نہ دُکھا
جب بھی دیکھا تو تُجھے پیار سے دیکھا ماں نے
خُونِ دل دودھ کی صورت میں پلایا ماں نے
تو نے اس پیار کے بدلے میں اُسے کُچھ نہ دیا
اپنے ماں باپ کا تو دِل نہ دُکھا
اپنے ماں باپ کا تو دِل نہ دُکھا
اُن کی ممتا نے بہر حال سنبھالا تُجھ کو
کس قدر پیار سے ماں باپ نے پالا تُجھ کو
رحمتِ بالا سے کُچھ کم نہیں سایہ اُن کا
اپنے ماں باپ کا تو دِل نہ دُکھا
اپنے ماں باپ کا تو دِل نہ دُکھا
تیرے ماں باپ نے کس پیار سے پالا تُجھ کو
خود رہے بھوکے دیا مُنہ کا نوالہ تُجھ کو
اِن کی مُٹھی میں ہے نادان مقدر تیرا
اپنے ماں باپ کا تو دِل نہ دُکھا
اپنے ماں باپ کا تو دِل نہ دُکھا
تیرے بیٹے بھی کہاں روٹیاں دیں گے تُجھ کو
یہ بھی تیری ہی طرح گالیاں دیں گے تُجھ کو
تو بھی اے صاحبِ اولاد یہ کیوں بھول گیا
اپنے ماں باپ کا تو دِل نہ دُکھا
اپنے ماں باپ کا تو دِل نہ دُکھا
اُن سے اچھی نہیں دیکھی کوئی صورت قیصرؔ
ہے سراپا یہ محبت ہی محبت قیصرؔ
کام آتی ہے بُرے وقت میں ان کی ہی دعا
اپنے ماں باپ کا تو دِل نہ دُکھا
اپنے ماں باپ کا تو دِل نہ دُکھا
اپنی جنت کو خُدا کے لیے دوزخ نہ بنا
اپنے ماں باپ کا تو دِل نہ دُکھا
اپنے ماں باپ کا تو دِل نہ دُکھا
میرے مالک میرے آقا میرے مولا نے کہا
اپنے ماں باپ کا تو دِل نہ دُکھا
اپنے ماں باپ کا تو دِل نہ دُکھا