وہ دن آئے گا اِک بار میں مدینے جاؤں گا
کرنے روضے کا دیدار میں مدینے جاؤں گا
شاہِ مدینہ رحمتِ عالم نبیوں کے سردار
دیکھیں کب دکھلائیں اپنا نورانی دربار
میں تو ہوں کب سے تیار میں مدینے جاؤں گا
وہ دن آئے گا اِک بار میں مدینے جاؤں گا
مُجھ کو یقین ہے کرم کریں گے آمنہ بی بی کے لعل
اُن کو تو معلوم ہےمیرے دل کا حال
کہتے ہیں دل کے تار میں مدینے جاؤں گا
وہ دن آئے گا اِک بار میں مدینے جاؤں گا
کیا غم ہے کہ جکڑے ہوئے ہے دوری کی زنجیر
مل جائے گی مُجھ کو میرے خوابوں کی تعبیر
جس دن چاہیں گےسرکار میں مدینے جاؤں گا
وہ دن آئے گا اِک بار میں مدینے جاؤں گا