آقا آقا بول بندے آقا آقا بول
ذکرِ نبیﷺتو کرتا جا یہ ذکر بڑا انمول
ایسا دن بھی آجائے سرکار کے در پہ بیٹھے ہوں
لب خاموش زباں بن جائے آنسو عرضاں کرتے ہوں
آنکھوں سے آنسو بہتے ہوں
اُن کے در پہ رونے والے دل سے کُچھ تو بول
آقا آقا بول بندے آقا آقا بول
ذکرِ نبیﷺتو کرتا جا یہ ذکر بڑا انمول
سرورِ عالم پیارے آقا جدھر سے گزرا کرتے تھے
شجر گواہی دیتا تھا اور پتھر کلمہ پڑھتے تھے
نور خُدا کے منکر اب تو اپنی آنکھیں کھول
آقا آقا بول بندے آقا آقا بول
ذکرِ نبیﷺتو کرتا جا یہ ذکر بڑا انمول
آؤ چلو دیوانو سارے شہرِ مدینہ چلتے ہیں
میری کیا اوقات ہے سب ہی ان کے در سے پلتے ہیں
غیروں کو بھی دیتے ہیں وہ بن مانگے بن تول
آقا آقا بول بندے آقا آقا بول
ذکرِ نبیﷺتو کرتا جا یہ ذکر بڑا انمول
راشؔد نعتیں لکھنا پڑھنا یہ ہے بڑا اعزاز
اُن کے کرم سے ہی اونچی ہے پرواز
نعتِ نبیﷺتو سُنائے جا اور کانوں میں رس گھول
آقا آقا بول بندے آقا آقا بول
ذکرِ نبیﷺتو کرتا جا یہ ذکر بڑا انمول