farhan ali qadri
Home | Video | Audio | Albums | Latest Album | Gallery | Forum | Guest Book | Search | Tell A Friend | Contact
Title Bookmark and Share farhan ali qadri


Farhan Ali Qadri - تیرے ہوتے جنم لیا ہوتا
        Urdu Lyric
  Audio  Roman  English  Hindi  Urdu

تیرے ہوتے جنم لیا ہوتا

تیرے ہوتے جنم لیا ہوتا
پھر کبھی تو تجھے ملا ہوتا

کاش میں سنگ در ترا ہوتا
تیرے قدموں کو چومتا ہوتا

تو چلا کرتا میری پلکوں پر
کاش میں تیرا راستہ ہوتا

ذرہ ہوتا جو تیری راہوں کا
تیرے تلوؤں کو چھو لیا ہوتا

لڑتا پھرتا میں تیرے اعدا سے
تیری خاطر میں مر گیا ہوتا

تیرے مسکن کے گرد شام و سحر
بن کے منگتا میں پھر رہا ہوتا

تو کبھی تو مجھے بھی تک لیتا
تیرے تکنے پہ بک گیا ہوتا

تو کبھی تو مری خبر لیتا
تیرے کوچے میں گھر کیا ہوتا

تو جو آتا مرے جنازے پر
تیرے ہوتے میں مر گیا ہوتا

چھوڑ کر جنتیں پلٹ آتا
تو مری قبر پر کھڑا ہوتا

ہوتا روحیؔ ترے فقیروں میں
تیری دہلیز پر پڑا ہوتا

شاعر - شیخ الاسلام ڈاکٹر محمد طاہرالقادری

Copyright © 2007 - 2017 - Powered by Net is Host