اُجالا تُو میرے گھر کا حلیمہ لوری دیتی ہے
میرے نورِ نظر سو جا حلیمہ لوری دیتی ہے
چمک چندا سے ہے زیادہ مہک پھولوں سے ہے زیادہ
کشش سورج سے ہے زیادہ چمک تاروں سے ہے زیادہ
دمک تاروں سے ہے زیادہ
کوئی تجھ سا کہاں دوجا حلیمہ لوری دیتی ہے
اُجالا تُو میرے گھر کا حلیمہ لوری دیتی ہے
رخِ انور پہ آقا کے دل و جاں سے فدا ہو کر
کبھی بوسہ لے ہاتھوں پَر کبھی بوسہ لے چہرے پَر
بنائے تکیہ بانہوں کا حلیمہ لوری دیتی ہے
اُجالا تُو میرے گھر کا حلیمہ لوری دیتی ہے
ادب سے پاس بِٹھلا کر حلیمہ پیار کرتی ہے
گلے سے خوب چمٹا کر حلیمہ پیار کرتی ہے
میرے لختِ جگر سو جا حلیمہ لوری دیتی ہے
اُجالا تُو میرے گھر کا حلیمہ لوری دیتی ہے
امانت آمنہ کی ہے حلیمہ سعدیہ کے گھر
وہ جس کے حسن کے صدقے ہوا عالم اُجالا تَر
وہ میرے گھر کا رکھوالا حلیمہ لوری دیتی ہے
اُجالا تُو میرے گھر کا حلیمہ لوری دیتی ہے
ہوازن کے قبیلے خوش نصیبی ہے تیری واللہ
ہُوا ہے آمِنہ کا لَعَل تُجھ میں جلوہ گر سو نَاں
زمانے بھر میں ہے شُہرہ حلیمہ لوری دیتی ہے
اُجالا تُو میرے گھر کا حلیمہ لوری دیتی ہے
فَضائیں گیت گاتی ہیں ہوائیں ڈَف بجاتی ہیں
زمیں کی مُسرتیں دیکھو خوشی سے گُنگُناتی ہے
فضائے دل پہ ہے نغمہ حلیمہ لوری دیتی ہے
اُجالا تُو میرے گھر کا حلیمہ لوری دیتی ہے
حلیمہ سعدیہ اس لعل کی ایسی ہوئی شیدا
سِوا اُس کے زمانے میں دکھائی کچھ نہیں دیتا
اُجاگؔر چوم کر چہرہ حلیمہ لوری دیتی ہے
اُجالا تُو میرے گھر کا حلیمہ لوری دیتی ہے