اللہ ھو اللہ ھو اللہ ھو اللہ ھو اللہ ھو اللہ ھو
پوچھا ہوا سے میں نے بھلاجھومتی ہے کیوں
امبر کو اڑتے اڑتے بھلا چومتی ہے کیوں
کہنے لگی کہ حمدِ خدا پڑھ رہی ہوں میں
دامن کو رحمتوں سے ابھی بھر رہی ہوں میں
اللہ ھو اللہ ھو اللہ ھو اللہ ھو اللہ ھو اللہ ھو
امبر سے جب کہا بہت اونچی ہے تیری شان
بولا خدائے پاک کا ہر حکم تو بھی مان
میں نے کہا کہ رب کی کرو حمد کچھ بیان
بولا خدا کی ذات کہاں میں بھلا کہاں
اللہ ھو اللہ ھو اللہ ھو اللہ ھو اللہ ھو اللہ ھو
پوچھا قمر سے کیا تیرا حال و قال ہے
آواز آئی مجھ میں تو رب کا جمال ہے
میں نے کہا قمر سے کہ آتجھ کو چوم لوں
بولا کہ حمد پڑھ کہ ذرا میں بھی جھوم لوں
اللہ ھو اللہ ھو اللہ ھو اللہ ھو اللہ ھو اللہ ھو
میں نے کہا یہ قمری و بلبل سے خوش نوا
پڑھتی ہو کیا سحر کو مجھے بھی تو دو سنا
بولی کہ صبح کرتے ہیں حمدِ خدا سے ہم
آتے نہیں ہیں راہ میں دنیا کے رنج و غم
اللہ ھو اللہ ھو اللہ ھو اللہ ھو اللہ ھو اللہ ھو
بندوں سے پیار ماں سے بھی بڑھ کر خدا کا ہے
مالک وہ روز حشر سزا و جزا کا ہے
طاہر کا آسرا میرے مولا تیرا کرم
محشر میں عاصیوں کا تو رکھ لیجیو بھرم
اللہ ھو اللہ ھو اللہ ھو اللہ ھو اللہ ھو اللہ ھو
اللہ ھو اللہ ھو اللہ ھو اللہ ھو اللہ ھو اللہ ھو