جے توں چاہیں اَحد کُوں مِلنا اَحمد نام پَکیندی رہو
جِتھاں سُنی جے نام محمد چم اکھیاں تے لَیندِی رہو
اُٹھدے بَھندے صفت ثنا کر اِئیں عربی تے صلے علیٰ پڑھ
وقتِ صبونی سر کُوں جُھکا کر یُحبب درجے پَیندِی رہو
جے توں چاہیں اَحد کُوں مِلنا اَحمد نام پَکیندی رہو
جِتھاں سُنیں جے نام محمد چم اکھیاں تے لیندی رہو
باجھ محمد رب کوں گولن محض ہے اپنا آپ کُوں رولَن
بنااسباڑ دے کھیر و لوڑن مفت نہ مغز کھپیندی رہو
جے توں چاہیں اَحد کُوں مِلنا اَحمد نام پَکیندی رہو
جِتھاں سُنی جے نام محمد چم اکھیاں تے لیندی رہو
اے ہن کوئی راز نِرالےعاشق تے معشوق وچالے
چھوڑ مسئلے کُل جُز والے مفت نہ عمر وِجیئندی رہو
عبد الغفؔار دا لج پال محمدﷺ ہر اِک دا غمخوار محمدﷺ
قبرتے حشر وچ نال محمد کُجھ ناں خوف کریندی رہو
جے توں چاہیں اَحد کُوں مِلنا اَحمدؐ نام پَکیندی رہو
جِتھاں سُنی جے نام محمدﷺ چم اکھیاں تے لیندی رہو