|
NaaN ho aram jis bimaar ko
NaaN ho aram jis bimaar ko saray zamanay say
Utha lay jaey thoRi khak unkay aastanay say
Tumharey dar kay tukRoN say paRa palta hay ik aalam
Guzaara sab ka hota hay isee muhtaj khaanay say
Koie Firdous ho ya khuld ho hum ko gharaz matlab
Lagaya ab to bistar aap hee kay aastaney say
NaaN kiuN un kee taraf Allah so so piyaar say daikhay
Jo apni aankhaiN maltay haiN tumhaaray aastanay say
Tumhaarey tou woh ihsaaN aur naaN farmaaniyaN apni
HamaiN tou sharam si aati hay tum ko munh dikhaanay say
Bahaaray khuld sadqey ho rahi hay roeay-e aashiq par
Khilli jaati haiN kaliyaN dil ki tairy muskaranay say
ZamiN thoRi si day day behr-e madfan un kay koochay maiN
Laga dey mairay piyaaray mairi mittee bhi thikaanay say
Palat’ta hay jo zaahir uss say kehta hay naseeb us ka
Arey ghaafil qaza behtar yahaaN say phir kay jaanay say
Bula lo apney dar par ab to hum khaanaN badoshoN ko
PhiraiN kub tak zaleel-o khwaar dar dar bay thikaaney say
NaaN pahunchay un kay qadmooN tak naaN kuch husn-e amal hee hay
Hassan kia poochtay ho hum gaye guzray zamaanay saey
NaaN ho aram jis bimaar ko saray zamanay say
Utha lay jaey thoRi khak unkay aastanay say
|
