|
HumaiN woh apna kehty haiN
HumaiN woh apna kehty haiN mohabbat ho to esi ho
HumaiN rakhty hain nazroN maiN inayat ho to esi ho
Woh pathar maarny waloN ko daitay haiN dua aksar
Laao koi misaal esi sharafat ho to esi ho
Ishara jab woh farmaieN to pathar bol uth'tay haiN
Nabuwwat ho to esi ho Risalat ho to esi ho
WahaaN mujrim ko milti haiN panahaiN bhe jazaieN bhe
Madinay meiN jo lagti hay adalt ho to esi ho
Bana daitay haiN saail ko sikndar woh zamany ka
Kareemi ho to esi ho sakhwat ho to esi ho
Muhammad ki wiladat par howy sub ko aata baitay
Isay milad kehty hain wiladat ho to esi ho
Zameen-o-aasman waly bhe aatay haiN ghulamana
Haqeeqat hay yahi Nasir hakomat ho to esi ho |
