farhan ali qadri
Home | Video | Audio | Albums | Latest Album | Gallery | Forum | Guest Book | Search | Tell A Friend | Contact
Title Bookmark and Share farhan ali qadri


Farhan Ali Qadri - MaaN ka dil
        Roman Lyric
 Audio   Roman

MaaN ka dil

Dil naaN lagana,Dil naaN lagana, Dil naaN lagana, dil,
Dil naaN lagana, Dil naaN lagana, Dil naaN lagana, dil

BaRa be-dard zamana, baRa be-dard zamana
BaRa be-dard zamana, baRa be-dard zamana

Aik qissa tumhain mamta ka sunata huoN aaj
Aik oraat thee muqaddar sey ghareeb aur mohtaj
Zahay naseeb ik larka tha uska mastana
Aik haseen pey dil-o-jaan sey tha deewana
Aik din kehne laga ban ke uss se faryadee
Bura na mano meri jaan rachaa lo shaadi
Larkii wo kehne lagee mujh ko tujhse pyar nahi
Hoga to ho jaaey ga aik roz aitbar nahi
Larka yun kehne laga dil se dil mila deykho
Barosha mujh pey naaN ho tou gar azma deykho
Bagh e dunya se mussarat ki bahaareiN la duuN
Zar o zameen nahi chaand sitarey la duuN
Phir to wo kehne lagii mah-e-laqa sun bismil
Jab samjhoon ge mein tujhe apne pyar ke qabil
Cheer kar seena mujhe la dey apnii MaaN ka dil
Baat ko sunte he shaitaan khushi se uchla
Khoon karne ke liye MaaN ka wahaN sey nikla
Ghar mein aya he tha MaaN pyar se pukaar utthi
Dair kyuN kar dee meray laal aa kha lay roti
Haath meiN baitay kay khanjar kii jab chamak ayee
Asman kanp utha aur zameen tharaee

BaRa be-dard zamana

Khoon karne ke liye lapka he tha saudaaee
MaaN ke honto se faqat aah kee sada aaye
Cheekh uth’tey he qayamat ka dil gubar gaya
Haath bhar ka chura maata k jigar paar gya
Lay kay dil chal dia shaadi wo rachaney kay liay
Apnii roothi huwi malka ko manane kay liay
Chalte chalte jo wo zalim naiN yuN thokar khaye
Haath se choot gaya dil aur zameen tharaaee
Juldbaazee meiN yuN lapka tha uthaney dil ko
Aik karishma nazar aaya waheeN pey qaatil ko
MaaN ka dil kehne laga laitay huwey angRaaee
Aey mere laal tujhe chaut tou naheeN aaee

BaRa be-dard zamana

Ishq ne andha naheeN behra usse kar dala
MaaN kee awaaz wahaN kaun tha sun’ney wala
Shaam kee siahee main us raat ko wo bach nikla
Aik he pal meiN wo mashooq ke ghar ja phoncha
Rakh ke dil qadmooN meiN aur pyar se wo yuN bola
Lo merii jaan jo manga tha wo meiN ley aaya
Dekh ke hal yeh uljhan meiN paR gaye kurban
Iss se kehne lagee taiwar ko badal kar nagan
Waqaie tujh sa koi aashiq-e-qurban nahi
Par haqeeqat mein tu shaitaan hai insaan nahi
Tou neiN socha bhi hai anjaam iss ka kiya hoga
Jo apni MaaN ka naaN huwa wo mera kiya hoga

BaRa be-dard zamana

Wafa naaN payee farishtooN neiN sard mehree meiN
Garift kar ke usay ley gaye kachehri meiN
Na hay gawah jo koi wahaN shahadat dey
Biradari hay naaN MaaN baap jo zamaanat dey
Police naiN laa kay adalat meiN uss ko paish kiya
Aur dil saath meiN laaye thay maiz pey rakka
Wakeel naiN jab haseena ka sab bayan suna
Tau us muqadmay pay hairat say us nein ghoor kia
Huzoor judge ne bhi farmaya ye to mujrim hai
Sazay e maut duun isko yeh mujh pey lazim hai
MaaN ka dil josh-e-mohabbat mein ye pukaar utha
Mein ne khud apne he haathoon se apna khoon kiya

BaRa be-dard zamana

Copyright © 2007 - 2017 - Powered by Net is Host