|
Tu Shah-e-khubaN tu jan-e-janaN
Tu Shah-e-khubaN tu jan-e-janaN hay chehra um ul kitab taira
NaaN ban saki hay naaN ban sakay ga missal tairi jawab taira
Tu sab say awal tu sab say aakhir mila hay husan-e-dawam tujh ko
Hay umer lakhoN baras ki tairi magar hay taza shabab taira
Tu Shah-e-khubaN tu jan-e-janaN hay chehra um ul kitab taira
NaaN ban saki hay naaN ban sakay ga missal tairi jawab taira
Hay kitna khulq azeem taira hay kitna lutf-e-ameem taira
Huwa naaN jaaN kay bhi dushmanoN par shah-e-do alam itab taira
Tu Shah-e-khubaN tu jan-e-janaN hay chehra um ul kitab taira
NaaN ban saki hay naaN ban sakay ga missal tairi jawab taira
Ho mushk-e-Ambar ya bu-e-janat nazar mein uss ki hay bay haqeeqat
Mila hay jiss ko mala hay jiss neiN paseena rashk-e-Gulab taira
Tu Shah-e-khubaN tu jan-e-janaN hay chehra um ul kitab taira
NaaN ban saki hay naaN ban sakay ga missal tairi jawab taira
MeiN tairay husn-e-biyaN kay sadqay meiN tairi meethi zubaN kay sadqay
Barang-e-khushbu diloN meiN utra hay kitna dilkash khitab taira
Tu Shah-e-khubaN tu jan-e-janaN hay chehra um ul kitab taira
NaaN ban saki hay naaN ban sakay ga missal tairi jawab taira
Khuda ki ghairat neiN dal rakhay heiN tujh par satar hazar parday
JahaN meiN lakhoN hi Toor bantay jo ik bhi uthta hijab taira
Hay tu bhi SAIM ajeeb insaaN jo khoof-e-mahshar say hay harasaN
Aray to jin ki hay naat paRhta wohi to laiN gey hisab taira
Tu Shah-e-khubaN tu jan-e-janaN hay chehra um ul kitab taira
NaaN ban saki hay naaN ban sakay ga missal tairi jawab taira
Poetry – Saim Chishti
|
