Allah Nabi kay piaro utho aye rozay daro
Moqa yeh phir mila hay tum aaqibat sanwaro
Utho kay barkatoN ka phir aa gia maheena
Nazil howa hay iss meiN Quran ka khazeena
Aawo namaz paRh kr Quran tum utha lo
Allah Nabi kay piaro utho aye rozay daro
Moqa yeh phir mila hay tum aaqibat sanwaro
Utho aye momino tum yeh naik kam kar lo
Waqt-e-sehar hay aaia kuch ihtamam kar lo
Ramadan ka maheena younhi naa tum guzaro
Allah Nabi kay piaro utho aye rozay daro
Moqa yeh phir mila hay tum aaqibat sanwaro
Tasbeeh tum Khuda ki kartay raho hamaisha
Hay badshah usi sey dartay raho hamaisha
BatlaieN jo Nabi neiN woh sari bataiN mano
Allah Nabi kay piaro utho aye rozay daro
Moqa yeh phir mila hay tum aaqibat sanwaro
Bass yeh naheeN hay kafi tum bhookay piasay rehna
Kar-e-haram sey bhi parhaiz kartay rehna
Khushnodi-e-Khuda meiN Rozay ka haq ada ho
Allah Nabi kay piaro utho aye rozay daro
Moqa yeh phir mila hay tum aaqibat sanwaro
Aye momino hasad say gheebat say bachtay rehna
Bay ja kisi peh har giz zulm o sitam no dhana
Taleem-e-Haq yahi hay haq na kisi ka maro
Allah Nabi kay piaro utho aye rozay daro
Moqa yeh phir mila hay tum aaqibat sanwaro
Jhoot aur badgumani say ijtanab karna
Gar kar sako to apna khud ihtasab karna
Jo kuch ghalat kia uss ki muafi mangoo
Allah Nabi kay piaro utho aye rozay daro
Moqa yeh phir mila hay tum aaqibat sanwaro
ChoRo laRaie jhagRay gali galooch ganay
Momin wohi hay sacha haq baat ko jo manay
Apnay gunahoN par tum tobah kay parday dalo
Allah Nabi kay piaro utho aye rozay daro
Moqa yeh phir mila hay tum aaqibat sanwaro
Aye Sarfaraz yeh likho kam tolna naheen tum
Rizq-e-Halal khawo Iman ko bacha lo
