farhan ali qadri
Home | Video | Audio | Albums | Latest Album | Gallery | Forum | Guest Book | Search | Tell A Friend | Contact
Title Bookmark and Share farhan ali qadri


Farhan Ali Qadri - MaaN tairay piar ka haq
        Roman Lyric
 Audio   Roman   Hindi   Urdu

MaaN tairay piar ka haq

Maan tairay piar ka haq ham say ada kia ho ga
MaaN mairi maaN
Tu jo naraz ho khush ham say khuda kia ho ga
Tu naiN oulad pay kia kuch qurban naheeN kia
Apni neendaiN hamaiN deeN apna woh such chainn dia
Loog kartay thay agar tujh say shikyat mairi
Jaan par khail kay karti thi hifazat mairi
Jab koi mujh ko sataye to bigaR jati thee
Mairi khatir kabhi jhgRay pay utar jati thee
Mairi sansooN meiN mojod hay khushbu ban kar
Mairi ratooN maiN chamakti hay tu jugnu ban kar
Taira dil tooR kay baitoN ka bhala kia ho ga
Maan tairay piar ka haq ham say ada kia ho ga
Yaad aati haiN abhi tak mujhay bataieN tairi
Mairay roonay say chalak jati theeN aankhaiN tairi
Tu mujhay rota howa daikh kay ro daiti thee
Apna such chain mairay wastay khoo daiti thee
Phir duaieN mujhay day day maiN sanwar jawoN ga
Tu younhi rothi rahay gi to maiN mar jawoN ga
Hoo ga ihsan galay baRh kay laga lay mujh ko
Apni mamta bhari janat maiN chupa lay mujh ko
Yahi ik rasta aour is kay siwa kia ho ga
Maan tairay piar ka haq ham say ada kia ho ga
Tairi Azmat ko kia baRh kay farishtoN naiN tawaaf
Aour qadam meiN naiN uthaye tairi marzi kay khilaf
Kitna badbakht hooN farman-e-Khuda bhool gia
meiN jawaN hotay he Ihsan taira bhool gia
janta hooN kay khata kar, gunah gar hooN maiN
Tu khafa hay to museebat meiN gariftar hooN meiN
Muaf kar day mujhay phir baRh kay sahara day dey
Maan mairi dobti kashti ko kinara day dey
Warna mujh jaisa gunah gar koi kia ho ga
Maan tairay piar ka haq ham say ada kia ho ga
Loog aouroN kay liay maaN ko bhula daity haiN
Uss kay jazbat ko sooli pay chaRha daity haiN
boRhay maaN baap kay jo kaam naheen aye ga
apni oulad say woh iss ka sila paye ga
yeh agar bichaRay to phir hath kahaN ayieN gey
RehmatoN kay liay soghat kahaN paieN gey
Haan abhi waqt hay maaN baap ki khidmat kar lo
NaikiaN loot lo aour khushioN say daman bhar lo
Jaye ga bas wohi janat maiN bhi jo maaN ka ho ga
Maan tairay piar ka haq ham say ada kia ho ga
Wasta Adam o Hawa ka tujhay daita hooN
Wasta Shah-e-Madina ka tujhay daita hooN
Wasta daita hooN Haydar ki shujaat ka tujhay
Wasta Fatima Zahra ki ibadat ka tujhay
Tu jo khush ho gi to khush hooN gey Hussain aour Hassan
Warna weerana rahay ga mairay jeewan ka chaman
Aye mairi maaN tu maira doodh naaN bakhshay gi agar
Aag dozakh ki jalaye gi mujhay reh reh kar
Baad marnay kay zara sooch maira kia ho ga
Maan tairay piar ka haq ham say ada kia ho ga
MaaN ka dil TooTay to aawaz Khuda tak pohanchay
Yeh jo rowaye to farishtoN ko bhi rona ayaye
MaaN kay dukh dard ko baiTa naaN agar samjhay ga
Uss ko jannat meiN Khuda bhi naheeN janay da ga
Mairay Aaqa naheeN daiN gey usay jam-e-kothar
Raat din barsay gi Allah ki laanat uss par
Chahay hafiz kay ho haji ya namazi alim
Aisay baiToN say Khuda kaisay ho razi Alam
Ju bhalaie naaN karay ga to bhala kia ho ga
Maan tairay piar ka haq ham say ada kia ho ga
MaaN mairi maaN

Copyright © 2007 - 2017 - Powered by Net is Host