لگیاں نیں موجاں ہن لائی رکھیں سوہنیاں
لگیاں نیں موجاں ہن لائی رکھیں سوہنیاں
چنگے آں کہ مندے آں نبھائی رکھیں سوہنیاں
آقا دے غلاماں دا میں ادنیٰ غلام آں
لوکی کہندے خاص میں تے ٰعاماں توں وی عام آں
پردہ جے پایا ای تے پائی رکھیں سوہنیاں
چنگے آں کے مندے آں نبھائی رکھیں سوہنیاں
لگیاں نیں موجاں ہن لائی رکھیں سوہنیاں
چنگے آں کہ مندے آں نبھائی رکھیں سوہنیاں
کسے نوں میں اپنا دُکھڑا سُنایا نئیں
تیرے باجھوں کسے مینوں سینے نال لایا نئیں
سینے نال لایا ای تے لائی رکھیں سوہنیاں
چنگے آں کہ مندے آں نبھائی رکھیں سوہنیاں
لگیاں نیں موجاں ہن لائی رکھیں سوہنیاں
چنگے آں کہ مندے آں نبھائی رکھیں سوہنیاں
ناں تیرا لے کے آقا شان میں وی پائی اے
تیرے ہتھ ڈور سائیاں آپے ای چڑھائی اے
چڑھے ہوئے رنگ نوں چڑھائی رکھیں سوہنیاں
چنگے آں کہ مندے آں نبھائی رکھیں سوہنیاں
لگیاں نیں موجاں ہن لائی رکھیں سوہنیاں
چنگے آں کہ مندے آں نبھائی رکھیں سوہنیاں
ناں تیرا لے کے آقا غلام سارے سجے نیں
قسم خُدا دی تُساں عیب سارے کجے نیں
لُکے ہوئے عیباں نوں لُکائی رکھیں سوہنیاں
چنگے آں کہ مندے آں نبھائی رکھیں سوہنیاں
لگیاں نیں موجاں ہن لائی رکھیں سوہنیاں
چنگے آں کہ مندے آں نبھائی رکھیں سوہنیاں
حشر دیہاڑے جدوں عملاں نوں تولناں
شرم دے مارے میں تے کُجھ نئیں او بولنا
چادر چہ اپنی لُکائی رکھیں سوہنیاں
چنگے آں کہ مندے آں نبھائی رکھیں سوہنیاں
لگیاں نیں موجاں ہن لائی رکھیں سوہنیاں
چنگے آں کہ مندے آں نبھائی رکھیں سوہنیاں
ضیؔاء اوہدی آل دا بنیا غلام ایں
ایہدے نالوں ودھ ہور لینا کی انعام ایں
بنے آں غلام تے بنائی رکھیں سوہنیاں
چنگے آں کہ مندے آں نبھائی رکھیں سوہنیاں
لگیاں نیں موجاں ہن لائی رکھیں سوہنیاں
چنگے آں کہ مندے آں نبھائی رکھیں سوہنیاں