کالیاں زلفاں والا دُکھی دِلاں دا سہارا
قسم اے خُدا دی مینوں سب نالوں پیارا
دَساں کی میں مصطفےٰﷺدی کِڈی سوہنی شان وے
آپ دی تعریف وِچ سارا ای قرآن وے
پڑھ کے توں ویکھ جہیڑا مرضی سیپارہ
قسم اے خُدا دی مینوں سب نالوں پیارا
کالیاں زلفاں والا دُکھی دِلاں دا سہارا
کر کے اِشارہ سوہنا سورج نوں موڑدا
آپے چن توڑ دا تے آپے چن جوڑدا
بِگڑی بنا دے میرے نبیﷺدا اشارہ
قسم اے خُدا دی مینوں سب نالوں پیارا
کالیاں زلفاں والا دُکھی دِلاں دا سہارا
ایڈا سوہنا نبیﷺکوئی دُنیا تے آیا نہیں
یار ایہو جہیاکوئی رب نے بنایا نہیں
دید میرے نبی دی اے رب دا نظارہ
قسم اے خُدا دی مینوں سب نالوں پیارا
کالیاں زلفاں والا دُکھی دِلاں دا سہارا
دیندے نے گواہی ذرے ذرے کوہِ طور دے
دیکھدے نصیباں والےجلوے حضورﷺدے
آمنہؓ دا چن تے حلیمہؓ دا دُلارا
قسم اے خُدا دی مینوں سب نالوں پیارا
کالیاں زلفاں والا دُکھی دِلاں دا سہارا