علی دے دیوانے اسی علی دے دیوانے آں
علی دیاں پُتراں دا صدقہ پئے کھانے آں

چھڈ دتا کھیڑا اساں سجنوں زمانے دا
مِل گیا در سانوں علی دے گھرانے دا

موجاں پئے ماننے آں خوشیاں منانے آں
علی دے دیوانے اسی علی دے دیوانے آں

علی باجھوں کُجھ وی نئیں ساڈا تے عقیدہ اے
لباں اُتے ہر ویلےعلی دا قصیدہ اے

دم دم علی علی ورد پکانے آں
علی دے دیوانے اسی علی دے دیوانے آں

سانوں وی نوازیا اے علی دے گھرانے نے
ساڈیاں نصیباں وچ حیدری ترانے نے

گھر گھر علی دیاں محفلاں سجانے آں
علی دے دیوانے اسی علی دے دیوانے آں

ایہو نبیاں دے سلطان دی نشانی اے
پیار مولا علی دا ایمان دی نشانی اے

علی علی کر کے تے رب نوں منانے آں
علی دے دیوانے اسی علی دے دیوانے آں

فیض لے کے آؤندے جیہڑے علی سرکار توں
جیہڑے بیلی آؤندے مولا علی دے مزار توں

اونہاں دیاں راہواں وچ اکھیاں وچھانے آں
علی دے دیوانے اسی علی دے دیوانے آں

حشر دے خوف توں فاروقیؔ اسی بری آں
کیوں کہ اسی اذلاں توں سارے پنجتنی آں

پنجتن پاک دے ای نعرے اسی لانے آں
علی دے دیوانے اسی علی دے دیوانے آں