|
جی کردا مدینے دیا سائیاں
جی کردا مدینے دیا سائیاں
مدینے دیاں ہون گلیاں
کاسہ پھڑ کے کراں میں گدائیاں
مدینے دیاں ہون گلیاں
آواں کول کرو منظوری
اوتھے زندگی وی ہو جائے پوری
فیر پین کدی نہ جُدائیاں
مدینے دیاں ہون گلیاں
ماہی دی رہ جائے نظر سَوَلِی
عشق ماہی وِچ ہو جاواں جھلی
اوتھے پھراں میں وانگ سودائیاں
مدینے دیاں ہون گلیاں
کُل عالم توں چنگیاں گلیاں
جتھے مدنی نے لائیاں تلیاں
جنہاں دیاں رب قسماں نیں چائیاں
مدینے دیاں ہون گلیاں
دور آقا توں دوریاں ہوون
دل دی آساں پوریاں ہوون
کراں شکر تے ونڈاں میں مٹھائیاں
مدینے دیاں ہون گلیاں
|
