مدنی دے گیت اسی گاندے رہواں گے
آقا دیاں محفلاں سجاندے رواں گے

اللہ دیوے ہمتاں تے گج وج کے
آقا دا میلاد مناندے رہواں گے

روکے پاویں جگ سارا اساں نئیں اے رُکنا
یا رسول اللہ دے نعرےلاندے رہواں گے

آقاؐ دے دیار چوں آواز آوندی اے
کھاندے رہو اسی ورتاندے رہواں گے

جدوں تک یارو میری زندگی اے
شہر مدینے آوندے جاندے رہواں گے

سب کُچھ وار کے حُسینؓ بولیا
مولا اسی یاریاں نِبھاندے رہواں گے

گل مِٹھے ماہیؐ دیاں کر کر کے
اپنے نصیباں نوں جگاؤندے رہواں گے

فاروقیؔ ایس گھر تھوڑ کوئی نہیں
سیداں دا لنگر اسی کھاندے رہواں گے