رل خوشیاں یار مناؤ
اللہ نے کرم کمایا
ساڈا کملی والا آیا

اج ہوئیاں چار چوفیرے
اوہدے کرم دیاں برساتاں

ہویا نور دا نوری چانن
سب مُکیاں کالیاں راتاں
تُسی فرشیو فرش سجاؤ
اللہ وی عرش سجایا

رل خوشیاں یار مناؤ
ساڈا کملی والا آیا
اللہ نے کرم کمایا

واہ بھاگ حلیمہ تیرے
تینوں مِلیا کملی والا
تیری جھولی دے وچ آیا
جیہڑا دو جگ دا رکھوالا
نہیں مِلیا ہور کسے نوں
تینوں مِلیا جو سرمایا

رل خوشیاں یار مناؤ
ساڈا کملی والا آیا
اللہ نے کرم کمایا


تُسی آسیو گناہ گارو اللہ دا شُکر بجاؤ
بختاں دے ماریو رل کے
اج گیت خوشی دے گاؤ
محبوب دے صدقے رب نے
رحمت دا مہینہ برسایا

رل خوشیاں یار مناؤ
ساڈا کملی والا آیا
اللہ نے کرم کمایا

منگدا نہیں نیازؔی شاہی
نہیں منگدا ہور خزینہ
میں اپنی وِچ حیاتی
تک لاں اک وار مدینہ
سوہنے محبوب دے صدقے
کر پوری آس خُدایا