|
ہن مینوں کون پچھانے
ہن مینوں کون پچھانے، ہن میں ہو گئی نی کجھ ہور
ہن مینوں کون پچھانے، ہن میں ہو گئی نی کجھ ہور
ہادی مینوں سبق پڑھایا
اوتھے غیر نہ آیا جایا
مطلق ذات جمال وکھاہا
وحدت پایا نی شور
ہن مینوں کون پچھانے، ہن میں ہو گئی نی کجھ ہور
اول ہو کے لامکانی
ظاہر باطن دسدا جانی
رہیا نہ میرا نام نشانی
مٹ گیا جھگڑا شور
ہن مینوں کون پچھانے، ہن میں ہو گئی نی کجھ ہور
پیارا آپ جمال وکھاوے
مست قلندر ہوں متوالے
ہنساں دے ہن ویکھ لے چالے
بلھا کانگاں دی بھل گئی ٹور
ہن مینوں کون پچھانے، ہن میں ہو گئی نی کجھ ہور
|
