|
تیرے نام توں واراں جان یا رسول اللہ
تیرے نام توں واراں جان یا رسول اللہ
گھر بار کراں قربان یا رسول اللہ
ساڈے گھر دا بچہ بچہ تیرے نام توں ہے قربان
لج پال نبی سلطان یا رسول اللہ
کی کرنے محل مِنارے تیرے نام توں آقا وارے
ہے ایہ میرا ایمان یا رسول اللہ
ایہ نعرہ چنگا لگدا اے جِدوں محفل دے وچ وجدا اے
ساڈے مسلک دی پہچان یا رسول اللہ
مُنکر دا سینہ سَڑدا اے عاشق دا سُن کے ٹھردا اے
ہر عاشق دی پہچان یا رسول اللہ
صدیقؓ و عمرؓ وی آئے سب اپنا مال لیائے
تیرا حاضر ہے عثمانؓ یا رسول اللہ
میری ماں نیں گُھٹی پائی مینوں ہے وہ بات سِکھائی
تیرا کلمہ دین ایمان یا رسول اللہ
کربل دی مِٹی بولے زہرہ دا لعل نہ ڈولے
اِنج پڑھیا اے قرآن یا رسول اللہ
انج لِکھاں خضؔر قصیدے جنہوں پڑھن غلام نبیﷺ دے
ساڈے مسلک دا عنوان یا رسول اللہ
|
