یا مصطفیٰﷺخیرالوریٰ تیرے جیہا کوئی نہیں
کنوں کہواں تیرے جیہا تیرے جیہا کوئی نہیں
تیرے جیہا سوہنا نبیﷺ لبھاں تے تاں جے ہووے کوئی
مینوں تے ہے اینہاں پتہ تیرے جیہا کوئی نہیں
یا مصطفیٰﷺخیرالوریٰ تیرے جیہا کوئی نہیں
گودی چہ لے کے سرکار نوں سوہنے مٹھل منٹھار نوں
آکھے حلیمہ سعدیہؓ تیرے جیہا کوئی نہیں
من موہنیاں نبیﷺسوہنیاں قرآن ہے تیرا نعت خواں
عرب و عجم دے والِیا تیرے جیہا کوئی نہیں
ہووے فقیر یا بادشاہ بھاویں گدا نیازؔی جیہا
سب کھاؤندے نیں صدقہ تیرا تیرے جیہا کوئی نہیں
یا مصطفیٰﷺخیرالوریٰ تیرے جیہا کوئی نہیں